Ediciones Ultralimitadas

Bótadelle unha ollada a este link: Ediciones Ultralimitadas. É un interesante proxecto de autoedición online (segundo me conta Ill'Rocco, anda detrás o bo de Dieguito Blanco) onde están a pendurar BDs de Blanco ou Brais Rodríguez, e a última colaboración é un caderno de debuxos do inefable Roque. Todo bastante arty e filoexperimental, aínda que sen chegar a ser directamente labouriano.

As fotos barcelonesas de Magog

Que lles parece esta instantánea na que os nosos übermenschen labouristas Stereotopffer e Ill'Rocco filosofean sobre o humán e o divino tirados no frío chan do Eixample barcelonés, seguindo o exemplo do sabio Dióxenes de Sínope? Queren coñecer os excesos etílicos e momentos de esparcimentos dos membros deste Laboratorio e demais persoeiros do mundo da BD galega e nacional no pasado Saló? Pois pásense por este fotolog do irmán Magog, retratista oficial do Lab·Ou en Barcelona, para coñecer a cara máis espontánea dos enfants terribles das nosas viñetas.