Convalidacións de DiablitoBeer (2)

Aquí tendes outra das numerosas BDs que o irmán DiablitoBeer nos enviou para convalidar. La luciérnaga fora publicada orixinalmente no n.º 4 da revista 2 veces breve. Rubín destaca dela "o uso narrativo da cor", e é certo que cada flashback foi deseñado cunha tonalidade cromática específica, e que se esta historia se editase en branco e negro perdería parte da súa identidade (esa paixón suliñada polo vermello, esa tristura azul...). Cremos entón que cumpre os requisitos para considerala un exercicio de restrición plástica e nesa categoría lla convalidamos. David, tes que volver a traballar en cor pronto.