Convalidacións de Cosme (3)

Nova colaboración deste hiperactivo ourensán (menuda colleita tivemos con el e Rubín) feita expresamente para o Laboratorio. O noso irmán cósmico decidiu mesturar dous exercicios de estilo: o da estructura fixa (para darlle un áxil ritmo de plano/contraplano) combinado ao da BD cega (1.1.2).

Este último consiste, segundo o Grimorio, nunha "BD dunha ou varias páxinas que leva as restricións icónicas até o seu último estadio ao non permitir ningún tipo de imaxe ou elemento visual nas viñetas, pero si elementos textuais coma diálogos ou textos de apoio, que soen aplicarse sobre un fondo branco ou negro (aínda que calquera tipo de experimentación cromática pode ser interesante). A ausencia de debuxos non lle resta valor coma BD (os recursos do medio coma a elipse ou a narración secuencial seguen estando aí); só implica un nivel de abstracción moitísimo maior".

Investigación ambientada, coma fai sempre Cosme, no ámbito do cotián e das pequenas cousas.