Exercicios: Orgasmo de Covelow

É un pracer contar cunha nova colaboración do irmán Covelow, un dos nosos labouristas que ata o momento mantiña un perfil baixo, pero que estaba claro que era para tomar impulso e pegar un pulo artístico como o que agora amosa. Sergio ofrece unha resolución do primeiro reto titorado que propuxemos no Lab·Ou, o de crear unha nova metáfora visual para a sensación de orgasmo (se alguén quere facelo, aínda pode: queda un mes e pouco de prazo). E faino cunha interesante proposta esóxena, sen empregar iconos gráficos externos, senón máis ben cunha efectiva estamapa subxectiva e surreal. Aquí o machote crécese coa fazaña, ve a luz e ten lume no corpo. Un enfoque fantasioso en primeira persoa pero que funciona á perfección. Parabéns polo resultado, Covelow.