Mimetizacións: La parejita de Manel Fontdevila

Manel Fontdevila é un dos autores españois máis coñecidos grazas ao seu traballo en El Jueves. Pero é que a súa serie La parejita, ademais de ser igual de graciosa semana tras semana, permítelle experimentar de cando en cando coa forma e co fondo. Esporadicamente gústalle debuxar páxinas que rindan tributo a creadores capitais da banda deseñada, calcando o seu estilo de debuxo e a súa maneira de narrar, e consegue que o efecto cómico dos chistes gráficos véxase multiplicado polo xogo metalingüístico. Aquí están algunhas das súas mimetizacións logradas, coma a primeria, que imita o estilo oriental dos mangas.

Aquí homenaxea á mítica escola Bruguera.

Esta outra páxina parodia os clixés das películas animadas de Walt Disney.

Aquí rende tributo ao grandísimo Schulz, pai de Snoopy e Charlie Brown.

E esta é a súa particular versión do estilo Ivá, un dos autores fundamentais de El Jueves.

Por último, unha das súas mimetizacións máis recentes, na que se lembra da Mafalda de Quino. Sinto a pésima calidade dos escaneados, pero é que aínda non lle collín o truco ao aparello, foron feitos ás présas e non quería cargarme os libros durante o proceso. Supoño que para que vos fagades unha idea de en qué consiste o 2º exercicio proposto polo Lab·Ou servirán. E por suporto, para rendirlle a Manel a pleitesía que merece polo seu talento.